ആത്മാവിന്റെ സ്വരൂപമാണ് ശാന്തിയെന്നത്. ആത്മാവ് ചൈതന്യസ്വരൂപമായതുകൊണ്ട് ശാന്തിയും ചൈതന്യവത്താണ്. ശാന്തിയെ ആത്മാവില് നിന്ന് വേര്പെടുത്താന് കഴിയില്ല. ജലത്തിന്റെ ശീതളിമയെ ജലത്തില്നിന്നും അഗ്നിയുടെ ഉഷ്ണതയെ അഗ്നിയില് നിന്നും വേര്പെടുത്താന് കഴിയാത്തതുപോലെ ശാന്തിയെ ആത്മാവില്നിന്ന് വേര്പെടുത്താന് സാധ്യമല്ല. അത് കണ്ടെത്താനും സാധ്യമല്ല. ശാന്തോഽയം അത്മാ: അതിന്റെ പേരുതന്നെ അതാണ്. അതുകൊണ്ടുതന്നെ ശാന്തി ചൈതന്യസ്വരൂപവുമാണ്. സുഖം, ദു:ഖം തുടങ്ങിയതൊക്കെ മനസ്സിന്റെ തലങ്ങളാണ്. മനസ്സ് പരിമിതത്ത്വമുള്ളതാണ്. അതുകൊണ്ടുതന്നെ സുഖദു:ഖാദികള്ക്കും പരിമിതികളുണ്ട്. ശാന്തി എന്നത് ഒരു പൂര്ണ്ണതയാണ്. ധ്യാനത്തിന്റെയും യോഗത്തിന്റെയുമൊക്കെ ലക്ഷ്യം ശാന്തിയാണ്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ