പഞ്ചീക്ര്തമഹാഭൂതസംഭവം മര്മ്മസഞ്ചിതം
ശരീരം സുഖദു:ഖാനാം ഭോഗായതനമുച്യതേ
"പഞ്ചീക്ര്തങ്ങളായ മഹാഭൂതങ്ങളെക്കൊണ്ടുണ്ടായതും കര്മ്മങ്ങളാല് സഞ്ചിതവുമായ ശരീരം സുഖദു:ഖങ്ങള്ക്കുള്ള ഭോഗസാധനമാണെന്ന് പറയപ്പെട്ടിരിയ്ക്കുന്നു."
പഞ്ചീകരണമെന്നാല് എന്താണെന്ന് നോക്കൂ...
പഞ്ചീകരണം തു ദ്വിധാ വിധായ ചൈകൈകം ചതുര്ദ്ധാ പ്രഥമം പുന:
സ്വസ്വേതര ദ്വിതീയാംശൈര്യോജനാത് പഞ്ച പഞ്ച തേ ഇതി
ഓരോന്നിനേയും (പഞ്ചഭൂതത്തിലെ ഓരോ ഭൂതത്തേയും) രണ്ടായി വിഭജിയ്ക്കുകയും അതില് ആദ്യത്തേതിനെ വീണ്ടും നാലായി വിഭജിയ്ക്കുകയും ചെയ്യുക. ഒന്നിന്റെ പകുതിഅംശത്തോട് മറ്റു നാലിന്റെയും അരക്കാലംശം കൂട്ടിച്ചേര്ത്ത് വീണ്ടും ഒന്നാക്കിയാല് അതിന്റെ പഞ്ചീകരണമായി., ഉദാഹരണം: ആകാശ തന്മാത്ര 1/2 + വായു 1/8 + അഗ്നി 1/8 + ജലം 1/8 + പ്ര്ഥിവി 1/8 = 1 പഞ്ചീക്ര്താകാശം.
ശീര്യതേ വയോഭിര്ബ്ബാല്യകൗമാരയൗവനവാര്ദ്ധക്യാദിഭിരിതി ശരീരം.
വയസ്സുകൊണ്ട് -ബാല്യകൗമാരയൗവനവാര്ദ്ധക്യങ്ങള്കൊണ്ട് - ശോഷിയ്ക്കുന്നതിനാല് ശരീരമെന്ന് പറയുന്നു.
ദഹ ഭസ്മീകരണേ ഇതി വ്യുല്പത്ത്യാച ദേഹ:, ഭസ്മീഭാവം പ്രാപ്നോതി നനു കേചിദ്ദേഹാ ഭസ്മീഭാവം പ്രാപ്നുവന്ഥി കേചിദ്ദേഹാ ഖനനാദി പ്രാപ്നുവന്തി. കഥമുച്യതേ സര്വ്വസ്ഥൂലാദികം സ്ഥൂലദേഹ ജാതം ഭസ്മീഭാവം പ്രാപ്നോതീതി ? യദ്യപ്യേവം തഥാപി കേനാഗ്നിനാ ദാഹത്വം സംഭവതീത്യത ചാഹ, സര്വ്വേഷാം സ്ഥൂലദേഹാനാം അദ്ധ്യാത്മികാധിബൗതികാധി ദൈവികാദി താപത്രയാഗ്നിനാ ദാഹത്വം സംഭവതി.
ഭസ്മീകരണത്തില് ദഹിയ്ക്കുന്നു എന്ന വ്യുല്പത്തികൊണ്ടും ദേഹമാണ്. അത് ഭസ്മഭാവത്തെ പ്രാപിയ്ക്കുന്നു. ചില ദേഹങ്ങള് കുഴിച്ചിടുന്നു, അപ്പോള് സര്വ്വശരീരങ്ങളും ഭസ്മമാകുന്നു എന്നെങ്ങനെ പറയാം. അങ്ങിനെയാണെങ്കിലും ഏതഗ്നികൊണ്ടാണ് ദാഹത്വം സംഭവിയ്ക്കുന്നത് എന്നതിന് പറയുന്നു. എല്ലാ സ്ഥൂലദേഹങ്ങളും ആദ്ധ്യാത്മികം, ആധിഭൗതികം, ആധിദൈവികം എന്നീ താപത്രയങ്ങളാകുന്ന അഗ്നിയാല് ദഹിപ്പിക്കപ്പെടുന്നുണ്ട്.
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ