ശ്രീ ചിന്താമണിദക്ഷിണാമൂര്തിസ്തോത്രം
നതഖേടനിശാടകിരീടതടീഘടിതോപലപാടലപീഠതലമ്
തടിദാഭജടാപടലീമകുടം വടമൂലകുടീനിലയം കലയേ
സമരം ഖലു യച്ചരണാംബുജയോ: ഭരണായ ഭവോത്തരണായ ഭവേത്
ശരണം കരുണാനിലയം സുഗുണം ഭജ ബാലസുധാകിരണാഭരണമ്
പരികീര്ണസുവര്ണസവര്ണജടാഭ്രമദഭ്രസരിച്ഛരദഭ്രരുചി:
മകുടേ കുടിലം ഘടയന്ശശിനം നിടിലേഽനലദഗ്ജടിലോ ജയതി
വടഭൂജതടീഘടിതസ്ഫടികോപമകുട്ടിമവേദിതലേ വിമലേ
സ്മിതഫുല്ലമുഖം ചിദുപാത്തസുഖം പുരവൈരി മഹ:കരവൈ ഋദയേ
അകലങ്കശശാങ്കസഹസ്രസഹോദരദീധിതിദീപിതദിഗ്വലയമ്
നിഗമാഗമനീരധിനിര്മഥനോദിതമാകലയാമ്യമ്ര്തം കിമപി
വിഷഭൂഷമപാക്ര്തദോഷചയം മുനിവേഷവിശേഷമശേഷഗുരുമ്
ധ്ര്തചിന്മയമുദ്രമഹം കലയേ ഗതനിദ്രമമുദ്രസമാധിവിധൗ
ധ്ര്ഠയോഗഭവാനുഭവോത്കലികം പ്രസരത്പുളകം ക്രതുഭുക്തിലകമ്
ഭസിതോല്ലസിതാലികവിസ്ഫുരിതാനലദത്തിലമം കലിതേന്ദുശിഖം
വദ ചിത്ത കിമാത്തമഭൂത്ഭവതാ ഭ്രമതാ ബഹുധാ കില ദിക്ഷു മുദാ
നിജശര്മകരം മുരു കര്മ പരം ഭവമേവ ഭവാപഹമാകലയ
വരപുസ്തകഹസ്തമപാസ്തതമ: ശ്രുതിമസ്തകശസ്തസമസ്തഗുണം
മമ നിസ്തുലവസ്തു പുരോഽസ്തു പരം പ്രണവപ്രവശപ്രവരാനുഗതമ്
സമാപ്തം /
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ