ഭുവനേശ്വരീ കവചം (രുദ്രയാമല തന്ത്രം)
ഓം ശ്രീ ഗണേശായ നമ:
ദേവ്യുവാച:
ദേവേശ ഭുവനൈശ്വര്യാ യാ യാ വിദ്യാ: പ്രകാശിതാ:
ശ്രുതാശ്ചാധിഗതാ: സര്വ്വാ: ശ്രോതുമിച്ഛാമി സാമ്പതമ്
ത്രൈലോക്യ മംഗളം നാമ കവചം യത് പുരോദിതമ്
കഥയസ്വ മഹാദേവ മമ പ്രീതികരം പരമ്
ഈശ്വര ഉവാച
ശ്രുണു പാര്വതി വക്ഷ്യാമി സാവധാനാവധാരയ
ത്രൈലോക്യ മംഗളം നാമ കവചം മന്ത്ര വിഗ്രഹമ്
സിദ്ധവിദ്യാമയം ദേവി സര്വൈശ്വര്യ സമന്വിതം
പഠനാദ്ധാരണാന് മര്ത്യസ്ത്രൈലോക്യൈശ്വര്യ ഭാഗ്ഭവേത്
ഓം അസ്യ ശ്രീ ഭുവനേശ്വരീ ത്രൈലോക്യ മംഗള കവചസ്യ
ശിവ ഋഷി: വിരാട് ഛന്ദ: ജഗദ്ധ്വാത്രി ഭുവനേശ്വരീ ദേവത:,
ധര്മ്മാരഥ കാമ മോക്ഷാര്ഥേ ജപേ വിനിയോഗ:
ഹ്രിം ബീജം മേ ശിര: പാതു ഭുവനേശ്വരീ ലലാടകമ്
ഐം പാതു ദക്ഷനേത്രം മേ ഹ്രിം പാതു വാമലോചനമ്
ശ്രീം പാതു ദക്ഷകര്ണം മേ ത്രിവര്ണാത്മാ മഹേശ്വരീ
വാമ കര്ണം സദാ പതു ഐം ഘ്രാണം പാതുമേ സദാ
ഹ്രിം പാതു വദനം ദേവീ ഐം പാതു രസനാം മമ
വാക്പുടാ ച ത്രിവര്ണാത്മാ കണ്ഠം പാതു പരാത്മികാ
ശ്രീം സ്കന്ധൗ പാതു നിയതം ഹ്രിം ഭുജൗ പാതു സര്വദാ
ക്ലിം കരൗ ത്രിപുടാ പാതു ത്രിപുരൈശ്വര്യദായിനീ
ഓം പാതു ഋദയം ഹ്രീം മേ മധ്യദേശം സദാവതു
ക്രൗം പാതു നാഭിദേശം മേ ത്ര്യക്ഷരീ ഭുവനേശ്വരീ
സര്വബീജപ്രദാ പ്ര്ഷ്ഠം പാതു സര്വവശങ്കരീ
ഹ്രിം പാതു ഗുഹ്യദേശം മേ നമോ ഭഗവതീ കടിമ്
മാഹേശ്വരീ സദാപാതു ശംഖിനീ ജാനുയുഗ്മകമ്
അന്നപൂര്ണാ സദാ പാതു സ്വാഹാ പാതു പദദ്വയമ്
സപ്തദശാക്ഷരാ പായാദന്നപൂര്ണാഖിലം വപു :
താരം മായാ രമാകാമാ ഷോഡശാര്ണാ തത: പരമ്
ശിര:സ്ഥാ സര്വദാ പാതു വിംശത്യര്ണാത്മികാ പരാ
താരം ദുര്ഗേ യുഗേ രക്ഷിണീ സ്വാഹേതി ദശാക്ഷരാ
ജയ ദുര്ഗ ഘനശ്യാമാ പാതു മാം സര്വ്വതോ മുദാ
മായാ ബീജാദികാ ചൈഷാ ദശാര്ണാ ച തത: പരാ
ഉത്തപ്ത കാഞ്ചനാഭാസാ ജയദുര്ഗാഽഽനനേഽവതു (ജയദുര്ഗാ ആനനേ അവതു)
താരം ഹ്രിം ദും ച ദുര്ഗായൈ നമോഽഷ്ടാര്ണാത്മികാ പരാ
ശംഖചകരധനുര്ബാണധരാ മാം ദക്ഷിണേഽവതു
മഹിഷ മര്ദ്ദിനീ സ്വാഹാ വസുവര്ണ്ണാത്മികാ പരാ
നൈ ഋത്യാം സര്വ്വദാ പാതു മഹിഷാസുര നാശിനീ
മായാ പത്മാവതീ സ്വാഹാ സപ്താര്ണാ പരികീര്തിതാ
പത്മാവതീ പത്മസംസ്ഥാ പശ്ചിമൈ മാം സദാഽവതു
പാശാങ്കുശപുടാ മായോ സ്വാഹാ ഹി പരമേശ്വരീ
ത്രയോ ദശാര്ണാ താരാദ്യാ അശ്വാരൂഢാഽനലേഽവതു
സരസ്വതീ പഞ്ചസ്വരേ നിത്യക്ലിന്നേ മദദ്രവേ
സ്വാഹാ വ സ്വക്ഷരാ വിദ്യാ ഉത്തരേ മാം സദാഽവതു
താരം മായാ ച കവചം ഖേ രക്ഷേത് സ്തനം വധു:
ഹും ക്ഷേം ഹ്രീം ഫട് മഹാവിദ്യാ ദ്വാദശാര്ണാഖിലപ്രഭാ
ത്വരിതാഷ്ടാഹിഭി പായാച്ഛിവകോണേ സദാ ച മാമ്
ഐം ക്ലിം സൗ: സതതം ബാലാമൂര്ദ്ധ്വദേശേ തതോഽവതു
ബിന്ദ്വന്താ ഭൈരവി ബാലാ ഹസ്തൗ മാം ച സദാഽവതു
ഇതി തേ കഥിതം പുണ്യം ത്രൈലോക്യ മംഗളം പരമ്
സാരാത്സാരതരം പുണ്യം മഹാവിദൗഘ വിഗ്രഹം
അസ്യാപി പഠനാത്സദ്യ: കുബേരോഽപി ധനേശ്വര:
ഇന്ദ്രാദ്യാ: സകലാ ദേവാ ധാരണാത് പഠനാദ്യത:
സര്വ്വസിദ്ധീശ്വരാ: സന്ത: സര്വ്വൈശ്വര്യമവാപ്നുയു:
പുഷ്പാഞല്യഷ്ടകം ദദ്യാന് മൂലേനൈവ പ്ര്ഥക് പ്ര്ഥക്
സംവത്സരക്ര്തായാസ്തു പൂജായാ: ഫലമാനുയാത്
പ്രീതിമന്യോഽന്യത: ക്ര്ത്വാ കമലാ നിശ്ചലാ ഗ്ര്ഹേ
വാണീച്ച നിവ സേദ്വക്ത്രേ സത്യം സത്യം ന: സംശയ:
യോ ധാരയതി പുണ്യാത്മാ ത്രൈലോക്യം മംഗളാഭിധമ്
കവചം പരമം പുണ്യം സോഽപി പുണ്യവതാം വര:
സര്വ്വൈശ്വര്യയുതോ ഭൂത്വാ ത്രൈലോക്യ വിജയീ ഭവേത്
പുരുഷോ ദക്ഷിണേ ബാഹൗ നാരീ വാമഭുജേ തഥാ
ബഹുപുത്രവതീ ഭൂയാദ് വന്ധ്യാപി ലഭതേ സുതമ്
ബ്രഹ്മാസ്ത്രാദീനി ശസ്ത്രാണി നൈവ ക്ര്ന്തന്തിതം ജനമ്
ഏകത് കവചമജ്ഞാത്വാ യോ ഭജേദ് ഭുവനേശ്വരീമ്
ദാരിദ്ര്യം പരമം പ്രാപ്യ സോഽചിരാന് മ്ര്ത്യുമാപ്നുയാത്
ഇതി ശ്രീ രുദ്രയാമലേ തന്ത്രേ ദേവീശ്വര സംവാദേ
ത്രൈലോക്യ മംങ്ഗളം നാമ ഭുവനേശ്വരീ കവചം സമ്പൂര്ണ്ണം
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ